LUCIFÉRNAGA + SULFUR GIANT

Presentación do primeiro álbume de Luciférnaga, "Mala Bësta" nunha sala de Vigo por primeira ocasión. 

Luciférnaga é unha banda de doom e stoner metal orixinaria de Vigo, Galicia, coñecida polos seus riffs pesados e unha atmosfera escura e introspectiva. 

As súas letras, que abordan temas de desilusión, perda e autodestrución humana, están escritas e cantadas en galego.

Fundada en 2024, a banda está composta por músicos con máis de 20 anos de traxectoria na escena rock e metal de Galicia. 

Algúns membros teñen participado en grupos como Supa Scoopa, The Mirage, Supernatural e Mano de Piedra.

A banda ten participado en varios festivais, incluíndo o Kanekas Metal Fest de 2025, onde tiveron unha destacada actuación.

Sulfur Giant é unha banda de stoner blues e rock psicodélico de Portugal. Foi fundada en abril de 2014 en Caminha e forma parte do selo discográfico Pink Tank Records.

O seu son caracterízase por unha mestura de blues, rock stoner e elementos psicodélicos, con riffs pesados e ritmos pegadizos que convidan á psicodelia. 

Teñen pisado escenarios tan potentes coma o do festival de Vilar de Mouros.